मनोवेध

संध्येच्या अंतरंगी...सप्तरंगात विलोपले
दुलई धुक्याची...नकळत बाहू पसरले
क्षण साठवणीतले...क्षणात सारे विखुरले
विस्मृतीतले देवकण पुसती…
फिर जाने कब हम मिले…फिर जाने कब हम मिले
**************
थिरकवा मोराचा असा काही खुले
पिसाऱ्याचा चांदवा आभाळी फुले
अनावर घननीळ प्रतिबिंबा भुले
अन आरसपानी थेंबावर मन माझे झुले
**************
बोचरी ठंडी कुणालाच आवडत नाही नुसतीच येते म्हणते आणि येऊन हाडात भिनते
पण शेकोटीची मजा ती काय
हे तिच्या विना का कळते
**************
मृतिकेचा कण अनेकदा कुंभारासी वदला
तुझ्या कृपेने आज मजला पुर्नजन्म आहे लाभला
धुळ खात पडलो होतो असा मी
तूच मज आकार दिला
**************
जगाची आहे कैसी बघा विपरित रीत
दगडाचा करुनी देव तया करी नमस्कार
आणि मनुष्यरूपी देवालागी लाथा बुक्यांचा भडिमार
**************
कापूस आणि ढगाची एकदा गुपचुप भेट घडे
त्यांच्यात घडलेले संभाषण चुकून माझ्या कानी पड़े
पृथ्वीवरती वस्त्र होऊनी मी सर्वांचे रक्षण करे
ढग्या, तू थोडा घनघोर बरसुनी त्या सर्वांना भिजवी बरे
**************
नुसताच फिरायचा कधी कधी
वारयाला येतो कंटाळा
गिरकी घेतली त्याने की मग
होतो भलताच घोटाळा
**************
जीवन म्हणजे जणू
अनंत क्षणांचा पसारा
भविष्याचे वर्तमान होई तोच
भुतकाळाचा घेई आसरा
**************
अहंकारा तुज सांगणे
कापुरा सारखे जळणे
केवळ एक आस धरणे
नाही मागुती उरणे
**************
धरावी आस तुझी
तुझी करावी रे पूजा
पुजनी अर्पावे तुज तन-मन
तन-मन रे देऊन घालवावे मी पण
**************
तुज आणि माझ असच काही आहे
नाही नाही म्हणताना थोड थोड आहे
आता बोलू मग बोलू अस बरच काही आहे
एवढ सगळ आहे तर मग वेडया वाट कुणाची पाहे
**************
सख्या तुझी आठवण
फुलवी प्रीतीचा मधुगंध
जैसी सर पावसाची पहिली
पसरी मृण्मयी सुगंध
**************
तुझ्या मनीचा चांदवा
करी प्रेमाची पखरण
माझा शेला धरित्रीचा
करी तयाची साठवण
**************
श्वास ओठांची ती मेळी
वेणुतुन मधुर सुर काढी
तैशी तुझीया नयनांची रे बोली
माझीया मनीची तार छेडी
**************
भ्रमर मन तुझे
रुंजे माझीया कमलदळी
पारिजात मन माझे
सडा तुझीया अंगणी
**************
कधी तरी मनात साठलेली प्रीत
नकळत माझ्या नज़रेतुन बरसते
मग तू त्यात भिजू नये म्हणुन
हलकेच पापण्या पांघरते
**************
मनाच्या बागेत एकदा
बकुळीच फूल आल
आणि त्याला जपायच्या नादात
स्वतःला मात्र विसरून गेल
**************
पावसाचा थेंब नाचरा
हळूच गाली स्थिरावला
आणि ओघळणारया अश्रुं मध्ये
स्वतःलाच हरवून बसला
**************
दूसरयाच्या मना मध्ये काय चाल आहे
ह्याचे मनाला सतत ध्यास असतो
पण घरात डोकवायची वेळ आली की
कवाडे घट्ट बंद करून घेतो
**************
सुर्याचे किरण सोनेरीच असतात
उषेला जवळ घेताना
आणि संध्येला कवेत घेताना मात्र
जरा लाजरे होतात
**************
तू समोर नसलीस की
मनाचा लिफाफा होतो
तू जवळ असलीस की
त्याचा टीपकागद होतो
**************
विमानातून प्रवास करताना जग किती इवलस दिसल
छोटी घरे, छोट्या गाड्या बघून खुपच आली मौज
तेव्हा सहज मनात विचार आला
उगीच नाही देवाला खेळ मांडायची हौस
**************
पात त्रुणांची एक, दवबिंदुला म्हणाली
निष्तेज ह्या तनुला तूच देई रे झळालि
वाट पाहते तुझी मी, अभिसारिका होउनी
**************
वारया वारया अरे तुझा चाले स्वछन्द प्रवास
श्वासा माजी चाले जेव्ह्ना परमेश्वराचा सहवास
तैसे मन माणसाचे घेई उंच रे भरारी
कोंडून ठेवी रे तयासी भेटे सवळा मुरारी
**************
हातात हाथ उमजुन दिला तर ती जुळलेली प्रीत
हातात हाथ नकळत दिला ही तर कळलेली प्रीत
**************
होई ओळख पहिली
बोलांनी वाढवावी
जुनी होत जे तैशी
मनाने पारखावी
**************
दुसरयाच्या जखमेवर मीठ
आपण का बरे चोळतो?
तीच वेळ स्वतःवर आली की
हळूच फुंकर घालतो
**************
मी तुझ्याकड़े औषध मागायला आलो आहे
कारण खुप दिवसांपासून माझी झोप उडाली आहे
पण खरतर मला औषध नकोच आहे
खर कारण तुला सुद्धा संसर्ग व्हावा हेच आहे
**************
पृथ्वी बाई तू गा मोठी
जपे उदरी संसार
नाजुक केळ सोसे जैशी
केळफुलाचा संभार
**************
तुला मी तसा रोजच भेटत आलो आहे
पण मुद्दाम सांगायच म्हणजे
आज माझ्या हृदयाच्या स्पंदनाला
तुझ्या प्रीतीची जोड़ आहे
**************
तुज कसे ते कळावे
माझ्या मनीचे गुपित
तुज कैसे ते समजवावे
सख्या अबोल माझी प्रीत
**************
डोंगरा तुला उंचीची
असावी किती रे मुजोरी
ढग येई बघ सावळा
घेरी तुला माथ्यावरी
**************
डोळे मिटून घेतले
त्याला झोप म्हणत नाही
डोळे सताड उघडे असले
तरी दिसेलच असे नाही
**************
तुझ्या मनीच्या कोंदणी
माझ्या प्रीतिचा रे हीरा
जसा शिंपला समुद्री
देई मोतिया आसरा
**************
प्रेमाची ऊब मिळते
सहवासाच्या संगतीत
त्याच प्रेमाचे निखारे मात्र फुलतात
विरहाच्या भट्टित
**************
मुग्ध तिच्या डोळ्यातील भाव
अचूक त्याने वाचले
प्रतिबिंब तयाचे होउनी
त्याच्या डोळा साचले
**************
आधी होई पुर्ण शब्दांची गुंफ़ण
चढविला त्यास संगीताचा बाज
गोड गळ्यातुन उतरता
चढ़े परिपूर्ण साज
**************
चांदण्यात फिरताना
तुला तुझ्याच नकळत टिपायचे
भाव-विभोर तव डोळ्यांमधले
कवडसे मनसोक्त वेचायचे
**************
अश्रुंना म्हणावे तरी काय
रडताना बरसतातच पण हसताना सुद्धा टपकतात
नाण्याच्या दोन्ही बाजू त्यांना
सारख्याच का वाटतात?
**************
अघळ पघळ तेलात
कडबोळी मोकाट सुटली
काय सांगु आता….
'चकली' रे चकली